الشاعر علي ناصر
لبنان مهما من البلاغة تجيب
حروف وقوافي ما بينعدّو
ومهما الليالي بالمحبة تطيب
وخيط الفرح عا ربوعنا تشدّو
سهم القدر بدو القلوب يصيب
والحزن بين ضلوعنا بدّو
يعصر مآسي والظنون تخيب
وكل لبنينا يرجع يهدّو
يا كَفَرمَتّى الجرح ما بيطيب
وسهم المنية ما التزم حدّو
ودموعنا من الجفن ما بتغيب
والرمش حاضن عالقهر خدّو
ويا منتدى من وين بدي جيب
حروف التحية يرجعو يأدّو
وشايف أمين الشعر والتهذيب
ما بيطلعو حروف الشعر قدّو
جسم البلاغة الشعر لما يسيب
وتكون روحو قاعدة حدّو
بتبقى يتيمة معذبة تعذيب
بغياب شاعرها لي بتودّو
ويا شاعر الكلمات مهما يشيب
عمر الزمان وينتهي غدّو
بدها القوافي من أمين الديب
تخلّد حروف الفلسفة والشعر
ومجد البلاغة ترجع تردّو
***
*ألقيت في الحفل التكريمي الذي نظمته كفرمتى لمؤسس الأدب الوجيز الأديب أمين رفيق الذيب