الشاعر د. علي عجمي

الأديان كلها بصوت مرفوع المقام

نادوا على نشر المحبة بإنتظام

و نبذ الإساءة و كل شي إلها لَـفى

و للتسامح صِدق نية و إلتزام

نشر المودة الصادقة ما ألطفا

بين الشعوب و بالحكي أعذب كلام

صَفّوا النوايا و بالقلب خَلُّـوا الصفا

و لا تراشقوا عا بعض بشرور السهام

للعنف قولوا وقاف..خَلَّصنا كفى

نهج المودة دربنا كل الدوام

قديش حلوة معاملة قادِر عَـفا

و العفو عند المقدرة قالوا الكرام

بالبرد كلمة طيبة بتعطي دَفا

نعومة سِلِم أطيافها ريش النعام

سراج المودة أبد عمرو ما انطفى

طالما انتو النور ل( مودة ) و علام

عيوننا عالسلم ما بتعرف غَـفا

و عن حقوق الناس مش ممكن تنام

و للتواصل بدل من كُرُره و جَـفا

زرعت مودة حُب أشبه بالغرام

و لما ع نهج السلم مجمعنا احتفى

زاد بمقامو و قيمتو أرفع مقام

بارك أيادي المكرمة جِيد و قفا

وِحدِة تآخي بتشبه طيور الحمام

و ترغل متل حسون في صوتو شِفا

إن عم السلام بصدق ما بين البشر

بتعيش كل الناس في خير و سلام