THAQAFIAT

إنت فكّرت خلصت الغنيّه؟

 والكلام الحلو

 ما عاد متل صبي زغير

 يتغنّج عالسطور…

 والليل طفي النجمه الصبيّه

تا تكبر العتمه

 وما عود أعرف وينك؟

 إنت فكّرت

إنّو في قصّه لها نهايه

وأنا وإنت أبعد من البحر

 وأغمق من السهل

وأرقّ من غناني الرعيان

هونيك بالوديان…

وبعدها البحيرة ناطره

 قنديل السهر …

 وهوّي تأخّر بالضيعه القريبه

وهيك يا حبيبي…

 يمكن هلّق…

يمكن بكرا

تشتاق لعيوني…

 وتعزمني عالسهريّه

 انت وأنا وأسرار…

 وضحكه

 متل ورده بالمزهريه.

… وهلقد بحبك.