موريس عوّاد… بخاطرَك

    fouad naaman al khoury    bvaaa

موريس…شلاّل الصوَر والذكريات،

والفستق الممنوع بسنِين الزغَر؛

بالدير تتسلّل عا حلم الراهبات،

وترشق الطبقه الباليه بمِيّة حجر…

***

ورفوف صيفَك عا رفُوف المكتبات

عصافير.. ريشِه تحنّ، ويغنّي وتر؛

وتزورني، وبالجرد تحلا الأمسيات،

وشِعرَك قمر عا ليل ضيعتنا انحفر!

***

ومن بعد قدّاس الشكر والتقدمات،

هبّت الريح وكسرِت قْلام الشجر؛

شْلحت العمر وطلعت من باب الحياة:

زوّادتَك اسمَك…و”قنديل السفر”!

maurice awad

اترك رد

%d