الشاعر مَازِنْ فَارُوقْ اللبَّانْ

شو نَفِعْ الإستِقْلال بَلا عِيدْ
وشُو نَفِعْ العِيدْ بَلا اسْتِقْلال
عَايشِين بِفَرَاغ بنِحْكي بَالتَجْدِيد
عَيْب نعيَّد و نزيّن تلَال
جيْشْ عَم يحْمي وَطَنْ… بشهَيدْ
وبجَعْجَعِة حَكي مِلتهِية الرِجَالْ
نفْس الحِكاَيِة بِكِل سِنِه بِتْزيد
بتقُولُو عِيد وبتِتْوَهَّموا بِالدَلالْ
تلاتْ اربَاعْنَا بِنعيِّدْ بَعْضْنَا بِالبَريدْ
لِيْش بِالهِجرة نِحنَا طَالَما فِي إِسْتِقْلال ْ
لَا عَم نِنْعَم بِالأَمِن و لا كَانْ فِي تَمْدِيدْ
نِيَابِه بِتْجَدِّد نَفْسها و بعِرْسَال مَات العَميدْ
وِزَارَات و إفَادَاتْ مَعْ فَسَاد غِذَائي وإِنْحِلال
مُخَدرَاتْ رَقمِيِّة بكِل بَيْت و وَريدْ
مُوامِيين فَاضْيَة جيَابْهُم و بَلا سلال
كَهرَبَاء حِّدِّث وَلا حَرَج بكِل فَخِر بِنشِيْد
الوَضعْ مَا بشَجِّع ولا بِشَرّف إسْتِقْلال
حَرَام بميِّه ملَوَثِة نِغْسُل حَنْجرة النَّشِيدْ
بِنعَيدَك يَا وَطَني بِدَمع شِلَّالْ
بيِكْفي يَا وَطَني بِهَاليَوم الوَحيْد
بَعدهُون بِيتْذَكَّروك بِإسْتِقْلَال
بِنعَيدَك يَا وَطَني من بعيد بعيد
مِن وَجَع مَستوطِنْ
رُغْم الزَعَامِة الحَاكِمْها إِحْتِلال …

…………………

(*) بمناسبة عيد الاستقلال 22-11-2014