(لمناسبة عيد انتقال السيدّة العذراء مريم في 15 أغسطس)
يا أمنا
يا مريم العدرا
إنتِ النّقاوي
الطهر
والقدرا
عينِك على لبنان
ع أهلو
ع جيشنا
وع الأرزة الخَضرا
يا أمنّا
يا مريم العدرا
بِـ حاولو مْن الوقت للتاني
يقطعو مْن جسمها أغصان
ونسيو بإنّو كل لبناني
بِـ مُوت
تا يبقى لِنا لبنان
لبنان لْـ مأسّس على الصّخْرا
يا أمّنا
يا مريم العدرا
بيكْفي قهر يا أمّنا …
ودْموع
بيكْفي ظلم
مَ الغدر هالكْنا
ومْشتَّتي أحلامنا
وممنوع
نتوحّد
ونشمخ بـ عزّ طْلوع
وتضلّ تخفُق مَجد رايتنا
إنتِ الطّهارا
الحب والقدرا
يا أمّنا
يا امريم العدرا
بحيّي الشّهيد اللي سقط كرمال
يحمي الْحمى
مْن جنوبنا لـ شمال
بضياعنا نبقى
بِأعلى جْبال
وصْمود يبقى
للدّني عِبرا
نحنا الرّجا لْ بِطلّ مِن بُكرى
يا أمّنا
يا مريم العدرا
