النوع الخامس – الزجل
وحياة هالورده المستحيّه
بحطِّك أنا برموش عينيّي
طولِك كأنّو شمعة الزيّاح
وليش الصلا ما بتلبق عليّي؟
والباب ليش مقفّل بمفتاح
وما كنت مرّه من الحراميّه؟…
من الحظّ إنتي يتجمعي الأرباح
وحظّي معِك شغل العَتقجيّه…
تا طِير متل الطير ما لي جناح
والعاصفه بتهدر حَواليّي…
يا ريت بغفا شويّ تا إرتاح
صار القلق حاله طبيعيّه…
وغمزات عينك متل طعن رماح
وشفاف متل شفاف جنّيّه…
شو بخاف إنّو يدبِل التفّاح
وما في أمل تا إقطفو بالإيد
وتا إتركو بردان… ما فيّي.
***
*مشروع الأديب د. جميل الدويهي “أفكار اغترابية”- سيدني ٢٠٢٢.