الشاعر د. علي عجمي

مرة حِكِمني وجع في راسي مُريب

و صداع قاسي مع سخونة شي عجيب

بلشت إعرق و العرق نازل صبيب

و الحرارة نار بركان و لهيب

ساعة لنوبة برد جسمي يستحيب

و دقات قلبي لعدها بدها حسيب

قلبي بصدري ينتفخ شكلو الغريب

و مرات ترجع حالتو و مرة تخيب

قلت ما في غير إسرع للطبيب

يمكن يلاقي دوا مفعوله رهيب

رحت و بعد ما شافني بشكلي الكئيب

تنهد بومضة شاعر و حكمة أديب

دكتور لكن بالعشق فاهم لبيب

خبرتو بحالات متلي عم تصيب

من دون ما للفحص سماعة يجيب

قال لي بتاخذ هالدوا حتّى تطيب

بوسة الصبح و الظهر تاخذ بوستين

والمسا تلات بوسات من خد الحبيب