د. جميل الدويهي

تحت الشتي عا طْرابلس جايي

عا بحرها البتفكرو مْرايه

عا قلعة اللي حْجارها قالو:

هون المجد بيعيد الحْكايه.

ابن البلد لو كان أحوالو

صعبِه… وعذابو ما إلو نْهايه

صاحب كرامه، وعزّ… نيّالو

وما في كرامه بتنْشَرى شْرايه.

ثورة شعب؟ ويثور أحلالو

ما زال عندو الخَيل… والرايه

وقدّيش عالي جبين خيّالو

المَا في إلو غير الشرف غايه!

يا صبْح غالي… الرمْح ما طالو

كَفّي الصلا… آيه ورا آيه

وخلّي الوطن يصْرخ من شمالو:

بْتُوقع براج الشمس لولايي.

ويا أرز شامخ فوق، عا جْبالو

تحت الشتي عا طْرابلس جايي

حَيّي غضب لبنان، ورْجالو

البِيعلّمو التاريخ القْرايه.

______

(*) مشروع الأديب د. جميل الدويهي أفكار اغترابية للأدب الراقي – سيدني 2019