الشاعر حبيب يونس

شو بْحِبّ ضَيِّعْ مَطْرَحي

وْيِبْقى عَ بالي يِخْطُر وْحِسّو مَرَقْ

مَرْقِةْ قَصيدي… وْإِسْتِحي

لِمْ إِعْزِما

بِاللَّيْل عَ سِفْرِةْ وَرَقْ.

وَحْدا الْقَصيدي

بْتِنْكِتِبْ ما بْتِنْمِحي

وْيا ما قَصايِدْ عَ وراقي

مْغَيّبين مْطارحي،

وْضايِعْ أَنا وْمِشْتاق،

يا بْواب فْتَحي…

وِمْسَكّرا بَعْدا البواب

وْمينْ أَنا؟

راهِبْ ولاقى مَطْرَحو

بِدَيْر بَخّور الْوَحي…

(3 – 5 – 2019)

****

(*) قصيدي بلَّشت فيا أمسيي جمعتني مع الشاعر الياس زغيب، بمنتدى “بخور الوحي”، بـ 3 أيار، بدعوي من الصَّديق قيصر مخايل، وبحضور أحبَّا من زغرتا وقضاءا، ومن كل لبنان.