غَصْ قلبي
وْعِينَيِّ دَمْعتَيْنْ
جَمْرْتَيْنْ
وِشْفافي تْجَمْدِت ْ حَطبي!
شِفْتا واقْفي
وْمِشْ خايْفي…
وْاِيدُو نارْ
بْشَعرا
وْتِنْزُلْ عا كْتافا وْصِدرا
زِنّارْ
وِيلِفْ خَصرا!
***
جَرَّبْ
اِبْليسْ
يْخَرِّبْ
وْيِرقُصْ عَالرْمادْ!
وْ “نُوتْرْدامْ”
باريسْ
شامْخَهْ ما بْتِنْهارْ،
بْتِبْقى بْوِجِّ لْاِيّامْ
وِلْعْصورْ
نُورِ وْبَخُّورْ،
قِربانِهْ وْ أسْرارْ
وْزاكْرِةْ أمْجادْ
ما بِتْنامْ.
***
بْتِرجَعْ اَيِةْ عِمرانْ وِفْنونْ
وِفْتونْ..
وِلْعَدرا
بَدَّا قْلوبْ
تْصَلِّي وِتُّوبْ
وْلِرَّبِّ تْكونْ.
١٦ / ٤ / ٢٠١٩
