آخِرْ شِيْ بِرُوحْ كلّ شَيْ وْما بِظَلّ شِيْ
كل شْي بْهَالدِّنيـا بِــرُوحْ**** إلاّ الكِلْمِــةْ بّقْيَانِـــــــهْ
وْما بِشْفِي قلبي المَجْروحْ ** إلاّ الكِلْمِةْ الحَرْزَانِـةْ
رَوِّي الرّوح بْصافي الفَنّ**وُاقْطُفْ باقِةْ من الأزْهَارْ
وِامْلا كاسَكْ من هّالدَّنّ****الأَطْيَبْ مـن خَمْر الخَمّارْ
وْكُلْما الصّوت بْسَمْعَكْ رَنّ****ناي وْدُْرْبَـكِة وْمِزْمَارْ
القلب القاسي رَقّ وْحَنّ ****وْغَنَّى عَالمَانـي المَانــي
***
رْجَالَكْ عِدّ حْصَانَك كِدّ *****حتّى تْـرِدّ الطايِـرْ طيـرْ
بْجَـدّ وْجِـدّ بْتُوَقْـفْ ضِـدْ *****يَلْلِي يْهِـدّ بْيُـوت الغيـرْ
إِيْدَكْ مِــدّ لْحِفْــظ الوِدّ*****لَلّي يْــوِدّ فْعَــال الخيـــــرْ
وْلا غْنَى وْبِـــدّ المُسْتَبـدّ*****بْتِبْقَــى دْيــارُو خَـرْبَانِةْ
مرتبط
