غيم السَّمَا اللي جاي من فوق البَحِرْ
ماشِي وْماشي بْهَالمَدَى لَوينْ بِرُوحْ
لـو كُنْت غيمِــةْ كُنْت مـا بْهَلْهِل نَدَى
وْلا كُنْت بَنْدِفْ ثَلْج،
وْلا بْشَتّي على تُرْبِةْ حَدَا
كُنْت بَحْمِلْ مِنْشَفِةْ
وْعا مَفْرِقِ الدّرْبين بَقْعُدْ عا حَجَرْ
وْبَصِير هيكي نَشِّف دْمُوع البَشَرْ
المَظْلومين مْنِ البَشَرْ
وْمِنْ جِسْمِيْ أَمْزَعْ شَاش
وْأَلَفْلِفْ جُرُوحْ
وْما بَسْأَلِشْ غيم السَّمَا
اللي جاي من فوق البَحِـــرْ
ماشي وْماشي بْهَالمَدَى
لَوينْ بِرُوحْ ؟ا!
