THAQAFIAT

(باللغة الفلسطينيّة)

مِنْ باب العَمُودْ

في القدس الشّريفْ

مرّوا التّرَاكْ وِالإنكليزْ

وْنِحْنَا ما رُحْنَا،

ولا تْزَحْزَحْنَا،

ظلّينا مَطْرَحْنا

ماسْكين هَالخيطْ،

وْرَاكْيين هَالحيطْ،

وْإيدينا مَرْفُوعَةْ

وِكْتوفْنا مَخْلُوعةْ

ومن دون ما نُوْعَى

هيكي منستدعي :

يا ربّ يا عزيزْ

يا ربّ يا عزيز

مِثِل ما مَرُّوا

من باب العمودْ

يمُرّ هَالطَّــــــــــــزّيـــــــــــزْ !