THAQAFIAT

شوفو البحر ما بيملّ

بيبوِّس الشاطي بلا مواعيد

وما بيلحق يتركو ويفلّ

حتى يعود يبوّسو من جديد .

البحر :

قلتلّكُنْ مش عشق هيدا

ولا غرام

هيدا فُضُول الشطّ ع وجودو جِني

غفيان حَدّي

آسرو ليل المرام

طبعو بسيط  وعالتشبّث منبني

بجلدو بسياط مَدّي بإنتظام

حتى بشموخو يعتلي وما ينحني

لا كنت إقدر إنشلو من هالظلام

ولا كنت إقدر عيّشو أكتر غني

ولا كنت إقدر عوّدو عالإحترام

ولا كنت إقدر كَبّرو بعين الدني .