حنان رحيمي
(شاعرة وروائية- لبنان)
يا انت تركني بسلام
ماسك ايد الايام
لا بتترك نهاري يفيق
ولا بتخللي ليلي ينام
يا حبيبي تركني بسلام
***
بغمض عليك عيوني
بغطيك بريف جفوني
طفل شقي بتصير
بتسرق حلمي وبتطير
يا عيوني تركني بسلام
***
انا والليل جينا نسهر
زعلان ما بدو يسهر
قللي مشتاق لعيونك
وانا جيت من دونك
يا غايب تركني بسلام
****
(*) هذه القصيدة غنتها مايا يزبك، وهي من ألحان أمين عيسى، مونتاج وتوزيع مروان معلوف،صدرت أخيراً في الأسواق