الشاعر مازن فاروق اللبان

كِلمِا غَمَّض عيونُو القَمَر
بِسمع خربَشِة شَيْطَنِة (ي)
هونيْك تَحت هَوْليك الشَّجر
عَصفورَين لِعبوا ع كَفْ الدِّني
……
بيرجع بيغفى صوت القلوب
تا يغفى السِّحر بنسيم البحر
والليل عتمتو.. حِبر لغروب
جناح عصافيرو ترِفّ ع السَّطر
……
يا قمر كيف تا بوجها اتدوب ؟؟
وياخُد قمر مكان القمر !!
بعِلمي بالسما بِتنوِّر دروب
تاريك ع الأرض نازِل يا قمر
……
صُرِت وعّيْه و إغمروا غَمِر
حركِش بعصافير..كشِّف مستتِر
مش حِلم ولا وهم مِن فِكر
هيدي حقيقة ..صاير منبهر
……
صوت ندهلي بهلكون سِر
رجاع لمطرحك واقرا بالكُتب
لا تتنكَّر بقى ولا تِنكِر
طلاع .. الهفوي خطر……تووووووووب
……
تكمَّش .. شد بحبات المطر
من البرد تخبى بعِب القمر
باقي تِتِّقي النَّار يا مغوار
عهد الخربشي وللاَّ ..طار
……
باقي القليل و يفل الليل
وهالله هالله يا دِني
بعدك تتأمل داير هبَل
تلوفِك بمسْكَني و من قلب قلبك .. ميِّت بالكَنْكَنِي ……